Eingin støða tikin til Magn

Nú samráðingar hava verið við áhugaðar keyparar í tveir mánaðir, er einki frætt um, at íslendska oljufelagið Skeljungur fer at selja føroyska felagið hjá sær, Magn.

Skeljungur bað um óbindandi tilboð upp á Magn. Nøkur vóru komin, tá freistin at bjóða var úti 9.juni.

Tilboðini vórðu kannað, og síðani byrjaðu samráðingar við nakrar tilboðsgevarar.

Einki er frætt síðani um tær samráðingarnar.

Skeljungur hevur ikki gjørt av at selja Magn, men vildi skatta dýpið fyrst.

Ein partaeigarafundur hjá Skeljungi ger av, um Magn skal seljast.