Eingin almennur bygningur seldur

Eingin bygningur hjá tí almenna varð seldur í fjør, hóast fimm milliónir krónur stóðu í fíggjarlógini sum inntøka av seldum bygningum.

Løgtingsgrannskoðararnir hava áður víst á, at sølujáttanin á fíggjarlógini skal vera veruleikakend, og tí tekur Fíggjarmálaráðið undir við.

Í frágreiðingini hjá Landsgrannskoðanini um frávik millum játtan og nýtslu stendur, at landsstýrismaðurin í fíggjarmálnum sigur, at í 2020 og aftur í 2021 er inntøkujáttanin frá seldum bygningum fimm mió.kr., sum hann metir vera veruleikakend, hóast eingin bygningur varð seldur í 2020.