Fólkavøksturin krevur stórar útbyggingar

Stóri fólkavøksturin seinnu árini ger tað torført at hava avlop á fíggjarlógini, tí neyðugt er at játta pengar til stórar útbyggingar av samfelagnum.

Tað sigur Erhard Joensen, sum er nýggjur formaður í fíggjarnevnd løgtingsins.

Búskaparráðið sigur í seinastu frágreiðingini, at tíðirnar eru so mikið góðar, at landskassin átti at havt í minsta lagi 150 mió. kr. í avlopi næsta ár.

Erhard Joensen sigur, at Búskaparráðið eigur at leggja upp fyri avbjóðingunum í fólkavøkstrinum.

Meiri verður at frætta í útvarpstíðindunum klokkan 18.
 

Nýggja Búskaparráðið eftirlýsir avlop á fíggjarlógini, men nýggi formaðurin í fíggjarnevndini sigur, at tað ber illa til at hava avlop, tá fólkavøksturin í landinum er so stórur, tí tað krevur nógvar útbyggingar.