Vánaligur fiskiskapur undir Føroyum

Vánaligur fiskiskapur undir Føroyum
Trý línuskip avreiða til Fiskamarknaðin í dag
Trý línuskip avreiða til Fiskamarknaðin í dag.
Mynd: Savnsmynd  
 
06.09.2021 - 09:07

Fiskiskapurin undir Føroyum er vánaligur, hann kundi verið betri, men hjá onkrum er hann brúkiligur.

Tað sigur Fiskamarknaðurin um fiskiskapin hesa vikuna.

Trý línuskip avreiða í dag. Tey hava tosk, longu, hýsu, brosmu og svartkalva. 

Eitt línuskip er á Íslandsrygginum. Hini ísfiskalínuskipini liggja. Tvey frystilínuskip eru við Ísland, og fimm eru við Føroyar.

Harður streymur

Um útróðurin verður sagt, at streymurin verður harður, men veðrið verður gott, so nakað av útróðri verður nú í vikuni.

Fiskaríið hjá útróðrarbátunum er vánaligt. Tað mesta, teir fáa, er hýsa.

Annar djúpvatnstrolarin fiskar makrel. Hin liggur.

Flestu partrolarar eru úti. Fiskaríið kundi verið betri hjá teimum, sigur Fiskamarknaðurin.

Ein trolbátur á landleiðini

Ein trolbátur er á landleiðini, og fýra eru norðanfyri. Tveir avreiða í dag. 

Teir fiska mest tosk og hýsu og eisini flatfisk.

Tvey garnaskip fiska svartkalva, og tvey fiska havtasku. Fiskaríið er brúkiligt, sigur Fiskamarknaðurin.

Er kopiera
Nýggjastu sendingar í ÚV
Mikudag 18. november
Vágskálin: Frá Jóannesi bónda til Frú S
216535
Mikudag 18. november
Skratsj 18. nov. 2026
216628
Mikudag 18. november
Mono 3 - Fróði Løksagarð - 181126
216627
Mikudag 18. november
Skipsboð
216603
Nýggjastu sendingar í SV
Mikudag 18. november
Dagur og vika - teknmálstulkað
216592
Týsdag 17. november
Veðrið
216565
Týsdag 17. november
Dagur og vika við 3-2 - teknmálstulkað
216520
Mánadag 16. november
Veðrið
216486
Mánadag 16. november
Bygdarliv 4 – Eiði
216470