Er funnin sekur í øllum ákærum

50 ára gamli maðurin, sum mánadagin fekk seks mánaða treytaleysa fongsulsrevsing fyri hóttanir eftir lívinum, er funnin sekur í øllum níggju ákærunum.

Og av tí, at nakrar hóttanir komu, meðan maðurin var royndarleyslatin, ber ikki til at gera dómin treytaðan, sigur Føroya rættur.

Maðurin hevur 120 dagar eftir av dómi, sum hann fekk í 2018.

Hesir dagar eru ikki við í dóminum, sum maðurin fekk mánadagin, tí revsimálini líkjast ikki.

Maðurin er eisini dømdur at rinda sakarkostnaðin.

Játtar at hava skrivað

Maðurin játtar at hava skrivað tað, sum hann varð ákærdur fyri, og nú er dømdur fyri. 

Men hann noktar seg sekan, tí sambært honum er ikki talan um hóttanir.

Maðurin var í varðhaldi frá 16.desember 2020 til 17.februar í ár.

Sambært Føroya rætti hótti maðurin fólk í almennum starvi.

Sambært mentalkanningini er fongsulsrevsing tann mest hóskandi.