45 íbúðir við Oyggjarvegin lidnar næsta ár

NN Holding, sum eigur MARK, skal byggja 45 leiguíbúðir við Oyggjarvegin í Havn. 

Íbúðirnar verða millum 60 og 114 fermetrar til støddar, við einum, tveimum ella trimum kømurum. Harafturat verða eisini íbúðir til rørslutarnað.

Tá ið verkætlanin er liðug, væntandi seint í 2022, fara eini 100 fólk at flyta inn í nýggju íbúðirnar við Oyggjarvegin í Tórshavnar kommunu, sigur MARK.

Tríggjar og fýra hæddir

Bygningarnir verða í trimum og fýra hæddum. Allar íbúðirnar á lendishæddini hava hátún, og allar íbúðirnar í ovaru hæddunum hava svala omaneftir.

Á økinum, har íbúðirnar verða bygdar, verða eisini parkeringsbásar.

NN Holding eigur og rekur MARK, sum hevur bygt íbúðirnar í Marknagili í Havn og undir Kongavarða á Argjum.

Í nevndini í NN Holding eru Birgir Dam Jacobsen, Frits Dam Jacobsen og Gordon Rajani.