- Tíðindi, mentan og ítróttur
Articon ætlar at byggja skúrar í Klaksvík
Articon ætlar at byggja skúrar í Klaksvík
Skúrarnir skulu brúkast til arbeiðsfólkini, sum skulu gera tunlarnar norður um Fjall
Málið um skúrbýin í Klaksvík kemur til viðgerðar á býráðsfundi í næstu viku.
Mynd: Klaksvíkar kommuna
16.09.2021 - 08:56
Byggifelagið Articon hevur spurt Klaksvíkar kommunu, um kommunan kann útvega felagnum 2000 fermetrar, so felagið kann byggja skúrar til tey 44 arbeiðsfólkini, sum skulu gera tunlarnar norður um Fjall.
Tosað er um økið norðan fyri Valrætt.
Kommunan hevur aðrar ætlanir um júst tað økið, men tær skulu ikki fremjast fyrr enn tunlarnir eru lidnir.
Har skal gerast ein umkoyringarvegur undir Kjøli, men tað arbeiðið byrjar ikki fyrr enn í 2026.
Leiguavtalan við Articon um økið norðan fyri Valrætt verður viðgjørd á næsta býráðsfundi í Klaksvík, sum verður 23.september.
Er kopiera
Nýggjastu sendingar í ÚV
Nýggjastu sendingar í SV
