Stúra fyri, at Askja fer at goysa aftur

Í Íslandi eru ábendingar nú um eitt nýtt eldgos í økinum norðanfyri Vatnajøkul, har Askja-eldstøðin er.  Askja er virkin og goysir einar tvær ferðir fyri hvørji 100 ár. Hon goysti seinast í 1960'unum, og nú hevur Íslendska veðurstovan mátað økt virksemi í Askju aftur. 

Talan kann vera um vanligt gos, men eisini um spreingigos sum ávirkar flogferðslu, sigur Bergur Hermans Bergsson, sum arbeiðir á íslendsku veðurstovuni.

Gosið í Geldingadali goysir framvegis

Eldgosið í Geldingadali á Reykjanesi er nú longstlivandi eldgos í Íslandi í 21.øld. 181 dagar eru síðani tað fór at goysa, - tað var 19.mars. Sostatt er metið hjá Holuhrauni, sum var 180 dagar, tikið.