Skottilburður í Russlandi kravt átta mannalív

Skottilburður í Russlandi kravt átta mannalív
Ein maður fór at skjóta frá hond á universitetinum í býnum Perm
Maðurin, sum skeyt, er sjálvur lesandi á universitetinum í Perm.
Mynd: Reuters  
 
20.09.2021 - 10:15

Átta lesandi hava latið lív á universitetinum í russiska býnum Perm í morgun, 1300 kilometrar eystan fyri Moskva, tá ein gerningsmaður fór at skjóta frá hond.

Russiska tíðindastovan Tass skrivar, at gerningsmaðurin er sjálvur lesandi á universitetinum.

- Vit vita, hvør hann er, og hann er nú handtikin sigur Svetlana Petrenkro, talsfólk fyri russisku kanningarnevndina, við Tass.

Gerningsmaðurin særdur

Hon váttar eisini, at gerningsmaðurin var særdur undir handtøkuni, og er ikki deyður, sum fyrstu tíðindini vildu vera við.

Aftrat teimum átta, sum higartil hava latið lív, eru eisini minst seks fólk særd, sigur AFP-tíðindastovan.

Sjónbandamyndir frá staðnum vísa næmingar leypa út gjøgnum vindeygu á Perm-universitetinum, tá tey royna at flýggja undan byrsumanninum, áðrenn hann var handtikin.
 

Er kopiera
Nýggjastu sendingar í ÚV
Sunnudag 16. februar
Bolero - Bartok, Hindemith og Rota
187832
Sunnudag 16. februar
Guðstænasta úr Havnar kirkju
187830
Sunnudag 16. februar
Kallið: Vit mugu kenna ábyrgd
187771
Leygardag 15. februar
Jambalaja - 150225
187814
Nýggjastu sendingar í SV
Sunnudag 16. februar
VÍF - Kyndil, menn
187840
Sunnudag 16. februar
Guðstænasta úr Havnar kirkju
187829
Leygardag 15. februar
H71 - Neistin, kvinnur
187824
Fríggjadag 14. februar
Dagur og vika - teknmálstulkað
187762
Fríggjadag 14. februar
Veðrið
187798