- Tíðindi, mentan og ítróttur
Leggja slitlag á vegin næsta ár
Leggja slitlag á vegin næsta ár
Landsverk heldur, at trygdin á vegnum millum Skopun og Sand er í lagi, um bilførarar koyra eftir umstøðunum
Landsverk sigur, at ætlanin er at leggja slitlag á ein part av vegnum millum Skopun og Sand næsta ár.
21.09.2021 - 14:14
Ein partur av vegnum millum Skopun og Sand treingir til at vera asfalteraður, og eftir ætlan verður eitt slitlag lagt á næsta ár. Talan er um eitt vegastrekki, ið er hálvan kilometur.
Tað upplýsir Jørgen Niclasen, landsstýrismaður, í svari til Páll á Reynatúgvu, løgtingsmann.
Landsverk heldur, at trygdin á vegnum millum Skopun og Sand er í lagi, um bilførarar koyra eftir umstøðunum.
Jørgen Niclasen sigur, at hóast vegakervið er útbygt og ferðslan nógv vaksin, er játtanin at viðlíkahalda vegakervið ikki hækkað nógv í mong ár.
Í ár hevur tað kortini eydnast at hækka játtanina munandi, men landsstýrismaðurin ásannar, at neyðugt verður at raðfesta viðlíkahald fremri næstu árini.
Er kopiera
Nýggjastu sendingar í ÚV
Nýggjastu sendingar í SV
