Vænta ikki at fiska makrelkvotuna í ár

- Tað er ógviliga ósannlíkt, at føroyska makrelkvotan verður fiskað í ár.

Tað sigur skiparin á Tummasi T, Virgar Fagraklett.

Higartil hava føroysk skip bara fiskað 89.000 tons av teimum 167.000 tonsunum, sum kvotan er í ár. Tað svarar til 53 prosent.

40.000 tons eru fiskað í altjóða sjógvi.

37.000 tons eru fiskað í føroyskum sjógvi og 12.000 tons í norskum sjógvi.

Hoyr innslag í útvarpstíðindunum.