Borgarstjórin á Sandi skrivar ikki undir

Borgarstjórin á Sandi, Heri Sverrason, fer ikki at skriva undir 1. veðrættarbrævið, sum Uttanríkis- og mentamálaráðið vil hava kommunurnar í Sandoynni skriva undir.

Hann sigur, at Sands kommuna skrivar ikki undir veðrættarbrævið, fyrr enn nýtsluloyvið til ítróttarhøllina í oynni er greitt.

Orsøkin er, at ein veggur í høllini er ikki brunagóðkendur. 

Síðani ítróttarhøllin var liðug í 2012, hevur landið fleiri ferðir roynt at fáa kommunurnar at yvirtaka hana. 

Høllin hevur kostað umleið 30 mió. kr.

Hoyr innslag í útvarpstíðindunum. 

Ítróttarhøllin á Sandi - Mynd: Sands kommuna

Ítróttarhøllin í Sandoynni er framvegis ein kastibløka millum landið og kommurnar. (Mynd: Sands kommuna á Facebook-vanga)