Týskland: Russar leggja seg út í valið

Týskland: Russar leggja seg út í valið
Ein talskvinna fyri týska uttanríkisráðið sigur, at russiskir teldusníkar breiða skeiv tíðindi millum fólk
Angela Merkel, samveldiskanslari, og Vladimir Putin, forseti. Týskland sigur nú, at russiskir teldusníkar royna at órógva valið til samveldistingið, sum verður sunnudagin.
 
24.09.2021 - 09:09

Sunnudagin verður val til týska samveldistingið, og áhugin fyri valinum er stórur, tí Angela Merkel, samveldiskanslari stillar ikki upp aftur.

Týskland skuldsetur Russland fyri at leggja seg út í valið til samveldistingið. Tað verður gjørt við at teldusníkar royna at taka tilfar frá týsku politikarunum, og breiða so skeiv tíðindi millum fólk, skrivar NTB.

Talskvinnan í týska uttanríkisráðnum, Andrea Sasse, sigur, at bólkurin av teldusníkum, sum virkar undir navninum Ghostwriter, hevur roynt at koma inn á heimasíðurnar hjá týskum politikarum, og at tann gongdin hevur staðið við í eina tíð.

Royna at fáa fatur á loyniorðum

Teldusníkarnir skulu m.a. hava roynt at fáa fatur á loyniorðum hjá fólkavaldu politikarunum, bæði í høvuðstaðnum og kring landið.

Sambært Sasse, er illgruni um, at fólkini, sum skipa fyri álopunum, eru tætt knýtt at russiska statinum, og serliga at russisku hernaðarligu fregnartænastuni, GRU.

Andrea Sasse sigur, at týska stjórnin sigur ágangin vera til vanda fyri trygdina í Týsklandi og fyri demokratiskar avgerðir hjá stjórnini.

Gongdin kann koma samstarvinum ímillum Týskland og Rusland aftur um brekku, sigur talskvinnan.


 

Er kopiera
Nýggjastu sendingar í ÚV
Fríggjadag 23. mai
RagnarRokk: Mr.Lordi um Limited Deadition
192292
Fríggjadag 23. mai
Morgunlestur fríggjadagur 23.mai 2025
192149
Hósdag 22. mai
RagnarRokk 22.mai 2025
191036
Hósdag 22. mai
«Biðið, og tit skulu fáa»
192240
Nýggjastu sendingar í SV
Fríggjadag 23. mai
Dagur og vika - teknmálstulkað
192266
Mikudag 21. mai
Eftir Vørðunum - teknmálstulkað
192195
Mikudag 21. mai
KAKUMiKS (2:7) - teknmálstulkað
192190
Mikudag 21. mai
Dagur og vika - teknmálstulkað
192158
Týsdag 20. mai
Veðrið
192138