Stjórnarflokkarnir viðgera støðuna eftir valið

Stjórnarflokkarnir í Íslandi eru farnir at lodda politiska dýpið eftir altingsvalið leygardagin.

Úrslitið av valinum var, at stjórnin varðveitir meirilutan, hóast flokkurin hjá forsætisráðharranum hevði afturgongd. 

Í dag hava formenninir fyri stjórnarflokkarnar, Katrín Jakobsdóttir fyri Vinstra-Grøna flokkin, Bjarni Benediktsson í Sjálvstæðisflokkinum og Sigurður Ingi Jóhannsson fyri Framsóknarflokkin havt fund í Reykjavík.

Katrín Jakobsdóttir, forsætisráðharri, segði í samrøðu við Morgunblaðið stutt fyri døgurða í dag, at formenninir ætla at brúka hesa vikuna at tosa um støðuna eftir valið.