Svenskur Muhammed-teknari deyður í ferðsluvanlukku

Svenski Muhammed-teknarin, Lars Vilks, er deyður í eini ferðsluvanlukku, skriva svenskir miðlar.

Svenski teknarin, sum er kendur fyri at hava teknað høvdið á islamska profetinum, Muhammed, á ein deyðan hund, doyði í ferðsluvanlukku í Suðursvøríki.

Hann var í einum sivilum løgreglubili, sum stoytti saman við ein lastbil nærindis býnum, Markarud. Tvey løgreglufólk doyðu eisini í vanlukkuni.

Var hóttur eftir lívinum 

75 ára gamli Lars Vilks hevði politiverju, tí hann var hóttur eftir lívinumm eftir at hava teknað profetin, Muhammed.

Nógvir muslimar vóru illir um tekningina, sum kom út í 2007, eitt ár eftir donsku tekningarnar av profetinum. Sambært muslimum er tað gudsspottan at tekna profetin.

Svenska løgreglan kannar vanlukkuna, men í løtuni bendir einki á, at nakar annar hevur havt nakað við vanlukkuna at gera.