Fýra skip fáa ískoytiskvotu av svartkjafti

Jacob Vestergaard, landsstýrismaður í fiskivinnumálum, hevur gjørt av at játta fýra skipum ískoytiskvotu av svartkjafti.

Ískoytiskvotur verða latnar sambært sjófeingislógini fyri at styrkja kvotugrundarlagið hjá ávísum fiskifari. Tøka kvotan, sum søkjast kundi um, var 12.640 tons av svartkjafti og 1.178 tons av svartkjafti, sum eru flutt frá í fjør.

Sjey umsóknir vóru, og av hesum lúka fýra treytirnar sambært sjófeingislógini, sigur Jacob Vestergaard. 

Tey, sum fáa ískoytiskvotu av svartkjafti, eru:

1. P/F Jókin – m/s Arctic Voyager
2. P/F Thor Fisheries – m/s Hoyvík
3. P/F Jupiter – m/s Jupiter
4. P/F Kinnfelli – m/s Katrin Jóhanna

Landsstýrismaðurin hevur gjørt av, at kvotuparturin til hvørt fiskifar verður 3.160 tons.

Harumframt skal flutta nøgdin frá 2020 upp á tilsamans 1.178 tons leggjast afturat, og hon skal verða fiskað í ár. 

Skipini fáa 294,5 tons í part av kvotuni, sum er flutt til ár. 

Jacob Vestergaard