Ferðslan í Eysturoyartunlinum veksur spakuliga

Í meðal 255 fleiri bilar um dagin koyrdu í Eysturoyartunlinum í september enn í august.

Ferðslan í september var 4.755 bilar um dagin samanborið við 4.500 í august. 

September er eisini mánaðurin, tá mesta ferðsla hevur verið, síðani Eysturoyartunnilin læt upp. 

Frammanundan var juni mánaðurin, tá mesta ferðslan var. Men í september koyrdu í meðal 188 bilar fleiri.

4.140 bilar um samdøgrið koyrdu millum Eysturoynna og Streymoynna í september, og 615 bilar koyrdu millum eystara og vestara arm á Skálafjørðinum.