- Tíðindi, mentan og ítróttur
Grønland fær 1,7 mia. kr. úr ES
Grønland fær 1,7 mia. kr. úr ES
Peningurin skal brúkast til útbúgving og grønan vøkstur
Mute B. Egede, landsstýrisformaður í Grønlandi, sigur, avtalan við ES vísir, hvussu stóran týdning samstarvið við ES hevur.
06.10.2021 - 14:55
Næstu seks árini kann Grønland rokna við at fáa 1,7 milliardir krónur frá ES.
Og í Grønlandi ætla tey at brúka peningin til útbúgving og grønan vøkstur.
Frá 2014 til 2020 fekk Grønland árliga millum 200 og 230 milliónir frá ES, og tað er áleið sama upphædd, sum Grønland fær næstu árini.
Grønlendski landsstýrisformaðurin, Mute B. Egede, fegnast um avtaluna, og sigur í tíðindaskrivi, at avtalan er tekin um, hvussu umráðandi samstarvið við ES er.
90 prosent av pengunum skulu brúkast til at menna og lyfta útbúgvingarøkið, tíggju prosent til at styrkja økið, sum tey rópa grønur vøkstur, og sum fevnir um eitt nú varandi orku.
Er kopiera
Nýggjastu sendingar í ÚV
Nýggjastu sendingar í SV
