Semingsstovnurin roynir semju millum bioanalytikarar og Lønardeildina

Semingsstovnurin er komin upp í samráðingarnar millum Lønardeildina og Bioanalytikarafelagið, sum samráðast um sáttmála fyri tann, sum var til 1.oktober í fjør.

Fríggjadagin í síðstu viku heittu partarnir á Semingsstovnin um at royna at loysa ósemjuna.  

Í hesari vikuni hevur Semingsstovnurin havt fundir við partarnar hvør sær.

Nær sjálv semingin byrjar, er ikki greitt enn.

40 limir

Stívliga 40 limir eru í Bioanalytikarafelagnum. Tey greina millum annað blóðroyndir í sjúkrahúsverkinum.

Í gjár høvdu Lønardeildin og Starvsfelagið samráðingarfund.

Næsti fundur verður fríggjadagin í næstu viku.