Ivasama veðrið ávirkar fiskiskapin undir Føroyum

Trý línuskip eru til fiskiskap. Tvey við Føroyar og eitt við Ísland. Tey fáa tosk, hýsu, longu og brosmu. 

Tvey minni línskip eru undir Føroyum. Tey fáa mest tosk og hýsu, og flestu frystilínuskipini eru úti.

Tað skrivar Fiskamarknaður Føroya í meting fyri fiskiskapin hesa vikuna.

Harður streymur

Viðvíkjandi útróðri, so verður streymurin nakað harður og veðrið heldur ivasamt hesa vikuna, og tí verður ikki roknað við nógvum útróðri.  

Fiskiskapurin hjá útróðrarbátunum er smáligur, og teir fáa mest av hýsu.

Ein djúpvatnstrolari fiskar kongafisk, - hin liggur við bryggju. 

Partrolarar til fiskiskap

Flestu partrolararnir eru til fiskiskap. Pørini fiska upsa og so nakað av hjáveiðu, og tey fáa lítið.

Allir trolbátarnir liggja við bryggju, men møguliga fer onkur út í vikuni.

Og so eru tað garnaskipini. Tvey fiska svartkalva, og fiskiskapurin er vánaligur.  

Eitt fiskar havtasku, og hevur brúkiligan fiskiskap, skrivar Fiskamarknaðurin.