Frítekst tagging:
- Tíðindi, mentan og ítróttur
USA vil hava Otoniel
USA vil hava Otoniel
Kolumbianski rúsevnabrots- og bakmaðurin, Dairo Antonio Úsuga, skal latast USA, eftir at hann varð tikin leygardagin
Tað var eitt felags átak av herinum, loftverjuni og løgregluni, sum hevði við sær, at rúsevnisbrotsmaðurin Otoniel varð tikin.
Mynd: Ritzau / Scanpix
25.10.2021 - 08:21
USA vil hava kolumbianskan rúsevnabrots- og bakmannin, Dairo Antonio Úsuga, útflýggjaðan, eftir at hann varð tikin leygardagin.
Tað skrivar Ritzau, sum endurgevur BBC.
Dairo Antonio Úsuga, sum verður nevndur Otoniel, og er leiðari fyri einum bólki, sum verður nevndur Golfbólkurin.
Otoniel varð tikin leygardagin tætt við markið til Panama.
Felagsátak
Tað var eitt felags átak av herinum, loftverjuni og løgregluni, sum hevði við sær, at Otoniel varð tikin.
Golfbólkurin er størsti rúsevnabólkurin í Kolumbia, og heimsins størsti bólkur, tá talan er um kokain, har USA er størsti marknaðurin.
Av tí sama hevur maðurin verið ovast á listanum hjá amerikansku rúsevnaløgregluni.
Finningarløn hevur eisini verið lovað teimum, sum kundu siga hvar Otoniel var, og hon var 44 milliónir krónur.
Er kopiera
Nýggjastu sendingar í ÚV
Nýggjastu sendingar í SV
