Góðtaka frágreiðingina um Norðhús og Bústaðir

Fólkaflokkurin góðtekur frágreiðingina hjá Elsebeth Mercedis Gunnleygsdóttur í málinum um Norðhús og Bústaðir.

Andstøðan fer heldur ikki at gera meira við málið.

Semja tykist vera í politiska landslagnum, at stýrið fyri Bústaðir skal sleppa at standa sína roynd, nú tað hevur skipað seg av nýggjum.

Nýggja stýrisforkvinnan í Bústøðum, Anna Maria Joensen, vildi í gjár ikki siga, um stýrið framvegis ætlar at kanna roknskaparviðurskifti í Bústøðum fleiri ár aftur í tíðina.

Hon vildi heldur ikki siga, um kravið um eitt tilmæli um búfelagsskap í Klaksvík, sum Norðhús skal byggja, stendur við.

Hoyr innslag í útvarpstíðindunum.