Havnin væntar 920 mió. kr. í kommunuskatti næsta ár

Úrslitið hjá Tórshavnar kommunu verður 197,1 millión krónur fyri avdráttir og íløgur í 2022 sambært uppskotinum um fíggjarætlan, sum Tórhavnar býráð fer at viðgera fyrru ferð í kvøld.

Avlop til skattafíggjaðar íløgur verður 169,2 mió.kr. 

Skattaprosentið verður tað sama sum í ár, 19, og barnafrádrátturin 8.000 kr. 

47 mió. kr. meira í skatti

Roknað er við sløkum 47 milliónum krónum meira í kommunuskatti næsta ár enn í ár. Roknað er við 920 mió. kr. næsta ár.

Intøkan hjá Tórshavnar kommunu verður ein milliard og 148 milliónir næsta ár, væntar kommunan sjálv.

Lániskuldin hjá Tórshavnar kommunu eru 227 mió.kr. Av teimum 227 eru 217 milliónir eru knýttar at Tórshavnar havn.

Lána 57 mió. kr. til URD

Í fíggjarætlanini fyri 2020 eru 57 milliónir krónur í láni til endurvenjingardepilin URD.

Tað lánið er ikki tikið enn.

Seinna viðgerðin verður 25.november.