Ókeypis at koyra í Eysturoyartunlinum til koronukanning

Sjúkrahúsverkið hevur gjørt avtalu við Eysturoyartunnilin um, at fólk í Eysturoynni, sum skulu kannast fyri koronu í Havn, kunnu koyra ókeypis í tunlinum.

Fyrsta tíðarskeiðið, hetta verður galdandi, verður í kvøld frá klokkan 18.30 til 23.30.

Í morgin verður eisini ein fyribils kanningarstøð gjørd í Vágum, men í løtuni eru ongar ætlanir um at gera eina líknandi avtalu við Vágatunnilin.

Kunnað verður á corona. fo, nær ókeypis verður at koyra í Eysturoyartunlinum til koronukanningar í Havn.

Hoyr samrøðu við Steinar Eirikstoft, forstjóra í Sjúkrahúsverkinum, í útvarpstíðindunum.