Minkagølan í Danmark: Løgreglan skal endurskapa sms-boð

Minkagølan í Danmark: Løgreglan skal endurskapa sms-boð
Ein nevnd er farin at kanna, hví stjórnin gav boð um, at allir minkar skuldu takast av fyri einum góðum ári síðani
Mette Frederiksen er komin í andróður í málinum um minkarnar, sum í skundi vórðu tiknir av í fjør.
Mynd: RitzauScanpix  
 
29.10.2021 - 13:50

Danska løgmálaráðið hevur biðið løgregluna um hjálp til at endurskapa sms-boð, sum vóru á telefonum í løgmálaráðnum og í forsætisráðnum.

Skivligu boðini eru partur av kanningini hjá nevndini, ið skal kanna handfaringina hjá stjórnini av sonevndu minkagøluni. 

Kanningarnevndin skal kanna tilgongdina, tá stjórnin gav boð um, at allir minkar í Danmark skuldu takast av fyri einum góðum ári síðani.

Tað kom seinni fram, at stjórnin hevði ikki lógarheimild til at geva slík boð.

Boð slettað av sær sjálvum

Kanningarnevndin skal fáa greiði á, hví boð vórðu givin uttan heimild, og um Mette Frederiksen, forsætisráðharri, visti um vantandi heimildina.

Í tí sambandi er komið fram, at kanningarnevndin fær ikki atgongd til skrivlig boð á telefonunum hjá Mette Frederiksen og fleiri øðrum í løgmálaráðnum og forsætisráðnum, tí boðini verða slettað av sær sjálvum eftir 30 døgum. 

Hetta hevur skapt øsing politiskt, og danskir miðlar hava givið Mette Frederiksen eyknevnið "Slette Mette".

Teknikarar í donsku løgregluni skulu nú royna at endurskapa boðini, so kanningarnevndin kann brúka tey. 
 

Er kopiera
Nýggjastu sendingar í ÚV
Mikudag 18. november
Vágskálin: Frá Jóannesi bónda til Frú S
216535
Mikudag 18. november
Skratsj 18. nov. 2026
216628
Mikudag 18. november
Mono 3 - Fróði Løksagarð - 181126
216627
Mikudag 18. november
Mannakor og korona 1:4
216604
Nýggjastu sendingar í SV
Mikudag 18. november
Dagur og vika - teknmálstulkað
216592
Týsdag 17. november
Veðrið
216565
Týsdag 17. november
Dagur og vika við 3-2 - teknmálstulkað
216520
Mánadag 16. november
Veðrið
216486
Mánadag 16. november
Bygdarliv 4 – Eiði
216470