Føroyingar ónøgdir um koronuhandfaringina hjá landsstýrinum

Tilmælini frá landsins myndugleikum eru alt ov ógreið. Tað heldur leiðslan á sambýlinum Mylnutún í Klaksvík, sum hevur tí sett egnar reglur í verk.

Og tað eru fleiri, sum eru samd í hesum. 

Andstøðan heldur lítið um mátan, sum landsstýrið hevur handfarið koronusmittuna hesa seinastu tíðina. Manglandi og ógreið kunning frá landsins myndugleikum er størsti trupulleikin, siga Høgni Hoydal, Ruth Vang og Aksel V. Johannesen.

Føroyingar halda eftir øllum at døma heldur ikki nógv um koronuhandfaringina hjá landsstýrinum. Ein nýggj spurnarkanning, sum spyr.fo hevur gjørt fyri Kringvarpið í dag, vísir, at meirilutin av teimum spurdu ikki er nøgd við politisku handfaringina av koronastøðuni. 

Av teimum spurdu, siga 69 prosent, at tey eru ónøgd við handfaringina hjál landsstýrinum av koronastøðuni seinasta mánaðin. 26 prosent siga seg vera nøøgd við handfaringina av koronustøðuni. Bara seks prosent av teimum spurdu halda, at landsstýrið ikki skal seta nýggj tiltøk í verk. Her hava fólk havt fleiri svarmøguleikar - og tey flestu vilja hava kanningar aftur við landamarki. 

Kaj Leo Holm Johannesen, landsstýrismaður í Helsumálum, er gestur í sjónvarpsstovuni.