Smittan breitt seg til miðstaðarøkið

Seinastu vikurnar hava vit hoyrt um, at tað serliga er í norðurøkinum, at smittuútbrotið av koronu er. 

Men nýggjastu tølini frá Landslæknanum vísa, at smittan nú hevur flutt seg til miðstaðarøkið.

Av teimum 67 smittaðu í gjár, so búðu tey 42 í Suðurstreymoy. 

Tølini vísa eisini, at Eysturoyggin enn er hart rakt, tí har eru 14 tilburðir. 

Trý deyð við koronu

Landslæknin boðar eisini frá, at ein afturat er deyður við koronu, so nú er deyðstalið í Føroyum trý. 

Í løtuni eru 730 smittað í Føroyum.

11 eru innløgd. 

Í oktober vórðu 1.025 nýggir tilburðir staðfestir.

Hetta svara til 46% av samlaðu tilburðunum undir allari farsóttini.