Breiðka vegin í Sandslíð næsta summar

Næsta summar er ætlanin at breiðka vegin í Sandslíð, so hann verður tvísporaður.

Verkætlanin verður bjóðað út til privatar at gera.

Sambært Landsverki kann arbeiðið verða liðugt í 2023-2024.

Treytin er, at pengar eru til arbeiðið, sigur Jørgen Niclasen, landsstýrismaður, í svari til Brand Sandoy, løgtingsmann.

Hetta er sjálvandi treytað av játtan, og at arbeiðið kann fremjast uttan størri trupulleikar.

400-500 bilar um dagin 

Borað og sprongt verður í lendinum omanfyri verandi veg.

Vegurin verður í høvuðsheitum breiðkaður móti fjallinum. Økið kring vegin verður eisini dagført og tryggjað. 

Til dømis verður ein grøv gjørd í ovara borði at taka grót, sum ríður oman. 

Vegurin í Sandslíð er millum elstu vegir í Føroyum, hann er hundrað ár. Vegurin, sum er hálvan annan kilometur langur, hevur bara eina breyt.  

Millum 400 og 500 akfør brúka hann um dagin.