Fyrireika móttøkuhús til harðskapsrakt

Eitt móttøkuhús til harðskapsrakt verður fyrireikað fyrst í komandi ári, hevur Fíggjarnevndin hjá løgtinginum fingið at vita frá Almannamálaráðnum.

Húsið er ætlað bæði kvinnum og monnum.

Tað kemur ikki í staðin fyri Kvinnuhúsið.

Ikki nýggjur stovnur

Eingin endaligur leistur er lagdur, men ætlanin er ikki at skipa ein nýggjan stovn, sigur Almannamálaráðið. 

Hugsanin við móttøkuhúsinum er, at ráðgeving og vegleiðing til tey harðskapsraktu verða savnaðar á einum staði.

Hugsað verður um løgreglu, sosialráðgeving, sálarfrøði og sjálvhjálparbólkar.