Arbeiðsóhapp á Gomlurætt

Seinnapartin í gjár hendi eitt arbeiðsóhapp á Gomlurætt.

Ein lastbilur skuldi lyfta eina ketu, og av eini ella aðrari orsøk rakti ketan ein arbeiðsmann á staðnum.

Talan var ikki um álvarsligan skaða, men somikið, at maðurin varð lagdur inn á Landssjúkrahúsið, upplýsir løgreglan.

Hvat hendi, er ikki greitt enn, og tað fer løgreglan at royna at fáa greiðu á um viðkuskiftið, upplýsir vakthavandi.

Koyrdu rúsaðir

Løgreglan sigur eisini, at í nátt vórðu tveir mans tiknir fyri at koyra við kenning í Eysturoynni, og ein maður varð tikin fyri at koyra ávirkaður av rúsevnum; tað var eisini uttanfyri Havnina.

Annars var friðarligt í høvuðstaðnum í nátt, og lítið fólk var í býnum, verður upplýst á politistøðini.