Sms-boð hjá Mette Frederiksen kunnu ikki endurskapast

Tað hevur ikki eydnast donsku løgregluni at endurskapa sms-boðini á telefonini hjá danska forsætisráðharranum, Mette Frederiksen, ella deildarstjóranum í forsætismálaráðnum, Barbaru Bertelsen.

Tað sama er galdandi fyri sms-boð frá tveimum embætisfólkum í forsætismálaráðnum.

Tað boðaði danska løgmálaráðið frá í gjár. 

Men løgmálaráðið hevur bíðað í fimm dagar at kunngera tíðindi. 

Kanningin liðug 12. november

Longu 12. november var løgreglan liðug við kanningarnar, sum staðfestu, at sms-boðini kundu ikki endurskapast, og sama dag fekk løgmálaráðið boðini. 

Hetta hevur elvt til øsing í fleiri politiskum flokkum, sum vilja vera við, at stjórnin vil vilja hevur bíðað til eftir kommunalvalið at kunngera tíðindini.

Tað hevur eydnast at endurskapa nøkur fá sms-boð frá einum av deildarstjórunum í løgmálaráðnum.

Tey skulu nú gjøgnumgangast saman við nevndini, sum kannar málið um minkarnar, fyri at fáa greiði á, um nøkur av hesum sms-boðunum hava týdning fyri arbeiðið hjá kanningarnevndini.