Unnustan hjá Epstein skal nú fyri rættin

Nú byrjar rættarmálið móti Ghislaine Maxwell, sum var unnustan hjá Jeffrey Epstein, sála. 

Maxwell er skuldsett í seks ákærum, sum snúgva seg um kynsliga misnýtslu av gentum í tannárunum.

59 ára gamla Maxwell sigur seg vera óseka í øllum seks ákærunum, um at hava verið partur av kynsligari misnýtslu av ungum gentum niður í 14 ár, saman við amerikanska milliarderinum, Jeffrey Epstein, sála.

Lokkaði gentur til kynsligt samband

Hon er millum annað ákærd fyri at hava lokkað ómyndugar gentur til at hava ólógligt kynsligt samband, at lokka ungar gentur at ferðast, fyri at taka lut í hesum sambandi, og at hava handlað við menniskjum við ólógligum kynsligum sambandi fyri eyga.

Í minsta lagi fýra gentur, sum verða nevndar ómyndug offur, eru við at leggja sak móti Ghislaine Maxwell, og allarhelst fara fleiri enn tær at vitna í málinum.

Epstein seg av døgum, meðan hann sat fongsli í 2019 og bíðaði eftir rættarmáli.

Brotsverkini, sum Maxwell er ákærd fyri, hendu millum 1994 og 2004, sambært ákærum.