Eingin kapping á flogrutuni til Grønlands

Air Greenland, sum flýgur millum Grønland og Danmark, fær neyvan kapping í ár.

 

Eitt nýtt flogfelag, Greenland Express, ætlaði at kappast við Air Greenland og bjóða bíligari ferðaseðlar. Men Gert Brask, sum eigur felagið, sigur við grønlendska kringvarpið, at felagið fer neyvan á flog í ár. Hann gevur landsstýrinum skyldina, tí hann fær ikki loyvi frá tí.

 

 

Gert Brask sigur, at hvørja ferð, hann hevur svarað spurningum frá landsstýrinum, fær hann nýggjar spurningar haðani. Áhugin fyri Greenland Express er stórur, sigur stjórin. Felagið hevði kunnað selt 13.000 ferðaseðlar fyrsta dagin, sigur hann.  

 

Felagið hevur í eina tíð givið fólki møguleika at seta seg fyri ferðaseðli við avsláttri fyri niður í 3.725 kr. aftur og fram. Air Greenland ætlaði at byrja flúgving millum Ålborg og Grønland 1.juni og í seinasta lagi 15.juli.