577 tilburðir av omikron í Danmark

Smittutilburðirnir av nýggja omikron-frábrigdinum av koronasmittuni veksa skjótt í Danmark.

Frá 22. november til í gjár, 7. desember, eru skrásettir tilsamans 577 tilburðir av omikron-frábrigdinum í Danmark, upplýsir Serumstovnurin.

Tað eru 179 tilburðir fleiri enn í gjár.

Sambært danska heilsustýrinum er omikron-frábrigdið nú umleið tvey prosent av øllum koronutilburðum í Danmark.

Í Føroyum var omikron-frábrigdið fyrstu ferð staðfest í dag.