- Tíðindi, mentan og ítróttur
EB/Streymur javnleik við tíggju monnum
<p>EB/Streymur fekk í kvøld eitt frálíkt úrslit í undanumfarinum til Champions League.</p><div><br></div><div>Nógv bendi tó á, at tað skuldi blíva liðið úr Andorra, sum fór avstað við sigrinum. Lusitanos kom á odda við brotssparkið frá Martinez, tá 24 minuttir vóru spældir. Fimm minuttir aftan á økti sami Martinez til 2-0, sum eisini var hálvleiksstøðan.</div><div><br></div><div>EB/Streymur gjørdi eina útskifting í hálvleikinum. Arnbjørn Hansen kom inn fyri Gunnar Zachariasen, og tað skuldi vísa seg at rigga. Men áðrenn nakað riggaði hjá EB/Streymi skuldu teir ígjøgnum meira mótvind.</div><div><br></div><div>Fyrst bleiv Gert Hansen útvístur, tá 62 minuttir vóru spældir. Løtu seinni fekk Lusitanos brotsspark, men hesum bjargaði Gango í EB/Streyms málinum.</div><div><br></div><div>Og so byrjaði eitt flott comeback. Fyrst minkaði Arnbjørn Hansen til 2-2, tá 67 minuttir vóru spældir, og bara tveir minuttir aftan á javnaði Levi Hansen við brotssparkið.</div><div><br></div><div>Við 2-2 javnleikinum hevur EB/Streymur eitt sera gott útgangsstøðið undan heimadystinum. Við tveimum máli á útivølli er tað nokk hjá EB/Streymi at spæla 0-0 ella 1-1. Tá tað er sagt, er eingin orsøk til at EB/Streymur ikki skal fara eftir sigrinum, tí sambært heimasíðuni hjá UEFA, spældu sundalagsmenn seg til fleiri málmøguleikar afturat við bara tíggju monnum.</div><div><br></div><div>EB/Streymur tekur ímóti Lusitanos á Tórsvølli 9.juli</div>
