- Tíðindi, mentan og ítróttur
Lív við í samráðingum um Skálafjarðartunnilin
<div>Lív er við, nú danska íløgufelagið Copenhagen Infrastructure Partners hevur samráðingar við Innlendismálaráðið um Skálafjarðartunnilin.</div><div><br></div><div>Tað sigur Rune Bro Róin, sum sjálvur fjórði eigur Copenhagen Infrastructure Partners.</div><div><br></div><div>Hann sigur, at hann kann vátta, at Copenhagen Infrastructure Partners saman við PensionDanmark og í samstarvi við Lív er í dialogi við landsstýrið um at fíggja Skálafjarðartunnilin. </div><div><br></div><div>Tú Útvarpið fríggjadagin vendi sær til Copenhagen Infrastructure Partners og spurdi um Skálafjarðartunnilin, varð fyrispurningurin sendur víðari til PensionDanmark. Og tað var kunningarleiðarin hjá PensionDanmark, Michael Carlsen, sum svaraði, at vit vóru vælkomin at endurgeva Rune Bro Róin fyri, at dialogur er við landsstýrið.</div><div><br></div><div><b>Ingi formaður</b></div><div><br></div><div>Tað er neyvan tilvild, at Ingi Højgaard, advokatur í Havn, er stjóri í báðum partafeløgunum, sum Copenhagen Infrastructure Partners stovnaði í Føroyum fyri stuttum. Ingi Højgaard er eisini nevndarformaður í P/f Skálafjarðartunlinum, sum Lív eigur.</div><div><br></div><div>Tað partafelgið er áhugavert hjá Copenhagen Infrastructure Partners, tí felagið eigur seismiskar kanningar, sum eru gjørdar í havbotninum undir Skálafjørðinum, og onnur kanningarúrslit, millum annað ferðsluteljingar.</div><div><br></div><div>Hesi úrslit eru til sølu. Tá landið í 2011 skuldi gera tunnilin millum Eysturoynna og Streymoynna, stóð landsstýrinum í boði at keypa tilfarið frá P/f Skálafjarðartunlinum. Men landið keypti ikki.</div><div><br></div><div>Copenhagen Infrastructure Partners hevur eisini vent sær til onnur í Føroyum, sum eiga pengar, eitt nú Íleggingargrunnin, sum fíggjaði Vágatunnilin og Norðoyatunnilin.</div><div><br></div><div><b>Uppskotið kemur á ólavsøku</b></div><div><br></div><div>Fríggjadagin segði landsstýrismaðurin í innlendismálum, Kári P. Højgaard, at neyðugu lógarbroytingar í sambandi við Skálafjarðartunnilin koma ikki í løgtingið fyrr enn á ólavsøku. Ætlanin var annars, at løgmaður skuldi kalla tingið saman nú fyri at fáa málið avgreitt sum skjótast.</div><div><br></div><div>Tað gevur samstundis andstøðuni betri stundir at snikka til eitt mótspæl. Fólk í Javnaðarflokkinum og Tjóðveldi arbeiða við tí og hava millum annað fingið serfrøðingar at gera nýggj tøl um eitt nú ferðsluna, sum kann væntast at fara gjøgnum ein tunnil millum Eysturoynna og Streymoynna.</div><div><br></div><div>Javnaðarflokkurin og Tjóðveldi vilja, at landið byggir Skálafjarðartunnilin, so avkastið av tunlinum verður verandi í Føroyum. </div><div><br></div>
