Øll skipini koma inn at halda jól

Í sínari frágreiðing um hesa vikuna sigur Fiskamarknaðurin um partrolararnar, at fimm pør eru úti.

Fýra teirra fiska upsa og hava vánaligan fiskiskap.

Eitt par fiskar sild.

Djúpvatnstrolararnir liggja báðir.

Fiska havtasku og svartkalva

Seks trolbátar fiska havtasku.

Eitt garnaskip fiskar svartkalva. Fiskaríð er vánaligt. Og eitt fiskar havtasku. Fiskaríið hjá tí er brúkiligt.

Tvey minni línuskip, og øll frystilínuskipini eru úti.

Góður streymur

Um útróður verður sagt, at streymurin er góður og tað sama veðrið, men Fiskamarknaðurin væntar ikki nógvan útróður, nú tað stundar til jóla.

Øll skipini, sum eru úti, koma inn at avreiða nú í vikuni.