Semingsroyndin aftur útsett

Semingsroyndin í sáttmálatrætuni millum Starvsfelagið, Lønardeildina hjá Fíggjarmálaráðnum og Kommunala arbeiðsgevarafelagið, sum skuldi byrja í morgin klokkan 10, er aftur úsett, tí onkur teirra, sum er við í samráðingunum, hevur fingið koronu.

Nú er ætlanin at royna mánadagin 10. januar, sigur Terje Sigurðsson, semingsmaður.

Semingsroyndin skuldi byrja 7. desember, men varð tá av ongum. Orsøkin tá var eisini korona.

Boð vóru send eftir Semingsstovninum 29. november, tí semja fekst ikki um lønina.

Sáttmálarnir fóru úr gildi 1. oktober í fjør.