Framvegis eingin avgerð um radaran

Eingin avgerð er tikin enn um lofteftirlitsradaran, sum danir vilja hava í Føroyum.

Jenis av Rana, landsstýrismaður, sigur, at hann hevur ikki fingið svar frá Uttanlandsnevndini, sum hann ráðførdi seg við 7.desember í fjør.

Ætlanin var, at Trine Bramsen, verjumálaráðharri, skuldi koma til Føroya 9.desember at tosa um millum annað radaran, men hon kom ikki.

Og enn er ikki ásett, nær hon so kemur.

Annika Olsen og Brandur Sandoy í Fólkaflokkinum vóru bæði í Uttanlandsnevndini, men tey eru ikki longur í tinginum. So har skal flokkurin velja onnur fólk.