- Tíðindi, mentan og ítróttur
Korona ávirkar nú tænasturnar í Klaksvíkar kommunu
Korona ávirkar nú tænasturnar í Klaksvíkar kommunu
Omanfyri fjóra hvørt starvsfólk hjá Klaksvíkar kommunu er smittað við koronu síðan 23. desember, og kommnan hevur ilt við at veita tær tænastur, hon annars skal
![](https://kvf.fo/sites/default/files/styles/grein-ovasta-mynd/public/fullsizeoutput_1992.jpeg?itok=uaIjgU09)
13.01.2022 - 08:18
Smittustøðan í Føroyum ávirkar nú dagstovnaøkið í Klaksvík.
Kommunan skrivar á heimasíðuni, at tað er trupult at fáa gerandisdagin at virka sum vanligt, tí fleiri starvsfólk eru smittað.
Omanfyri fjórða hvørt starvsfólk er smittað síðan 23. desember.
Talan av børnum, ið hevur havt korona, er væl lægri.
Tillagingar neyðugar
Smittustøðan ger, at í onkrum føri er neyðugt at tillaga virksemið.
Av hesi orsøk mugu onkrir stovnar skerja upplatingartíðina, antin hjá øllum stovninum ella einstøkum stovum.
Í øðrum førum verða stovur ella stovnar stongdir í nakrar dagar.
Klaksvíkar kommuna skrivar, at foreldur og avvarandi fáa boð beinleiðis frá stovninum, hvussu koronusmittan ávirkar stovuna ella stovnin, har barnið gongur.
Nýggjastu sendingar í ÚV
Nýggjastu sendingar í SV