Tilmælini geva ikki meining

Sambært Jógvani Fríðriksson, biskupi, hava koronatilmælini skúgvað til viks, vanligt vit og skil. Og tí sleppa also nógv fleiri enn 100 fólk inn í Vesturkirkjuna, tá farið verður aftur í kirkju - ikki nú sunnudagin, men annan sunnudag, 23. januar. 

Í høllini á Hálsi gera tey klárt til HM-undankapping í manshondbólti, sum byrjar í morgin. 400 atgongumerki eru seld til hvønn av teimum trimum dystunum hjá føroyska manslandsliðnum.

Stóri áhugin fyri hondbóltslandsliðnum leggur trýst á Hondbóltssambandið, tí fólk vilja sleppa til landsdystirnar. Men Hondbóltssambandið selir ikki fleiri atgongumerki, hóast ríkiligt av plássi og tómum stólum eru í Høllini á Hálsi.

-Hetta er okkara kompromis, sigur Gunn Ellefsen, sum annars ikki vil gera samrøðu ídag, dagin fyri fyrsta bríksl.