Landsbankastjórin: Búskapurin er undir trýsti

Um brúkaraprístalið ella inflasjónin er størri enn tvey prosent, er tað eitt tekin um, at búskapurin er undir trýsti. 

Tað sigur Malan Johansen, stjóri í Landsbankanum. 

Hagstovan hevur kunngjørt, at brúkaraprísirnir í Føroyum hækkaðu 3,4 prosent í fjør.

Prístalið var 121,6 í 2020, men í fjør var tað komið upp í 125,8.

matvøruhandlar, sjálvavgreiðsla, gjaldskort,vørur,vøkstur, tilboð. pengar, peningur, sjávtøkur,reiður peningur, búskaparvøkstur, búskapur

Brúkaraprísirnir hækkaðu 3,4 prosent í fjør. (Savnsmynd: Bjarni Árting Rubeksen)

Hetta er størsta árliga broyting í brúkaraprístalinum, síðani altjóða fíggjarkreppuna fyri umleið 14 árum síðani.

Brúkaraprístalið er eitt av lyklatølunum, sum hugt verður at, tá metast skal um búskapin, sigur Malan Johansen: 

Stjórin í Landsbankanum vísir á, at inflasjónin er farin at vaksa aftur um allan heim, eftir at hon hevur verið lítil eina tíð. Og koronufarsóttin hevur eisini ein leiklut.

Upprunaliga vóru tjóðbankarnir bjartskygdir um, at inflasjónin fór at minka, tá virksemið av álvara byrjaði aftur, men nú er tað meira ivasamt. Tí verður nú tosað um at hækka rentuna, sigur Malan Johansen.