Er vágið at keypa list á netinum

Í minsta lagi 7.000 krónur fyri ein hópframleiddan glasfugl í navninum á Tróndi Patursson. Tað hevur verið tilboðið á Rótikassanum á Facebook seinastu tíðina. Men vit skulu vera varin, tá vit keypa, heldur Kinna Poulsen, listaummælari.

Tróndur Patursson er harmur um, at tað seinastu tíðina hava verið glasfuglar til sølu á Rótikassanum fyri so nógvan pening. Tí talan er um hópframleiddar fuglar, sum eru gjørdir sum prýðislutir, og sum eftir hansara tykki ikki eru list.

Kinna Poulsen skilir væl listamannin, men vísir á, at Tróndur Patursson er vorðin eitt so stórt og kent navn, at tað ber til selja sjálvt navnið Tróndur Patursson.