Kanna el-bussar í Eysturkommunu

Eisini í Eysturkommunu verður møguleikin fyri at brúka el-bussar kannaður.

Men fyribils verða dieselbussar brúktir.

Eysturkommuna hevur gjørt sáttmála við AP Busskoyring um at røkja bussleiðina í Eysturkommunu næstu fimm árini. 

Sáttmálin sigur, at fyrstu tvey árini verða møguleikarnir fyri at skifta til el-bussar kannaðir.

Nýggi sáttmálin millum Eysturkommunu og AP Busskoyring inniber, at bussleiðin koyrir fleiri túrar um vikuna og eisini fleiri túrar í summarfrítíðini.