Heilsumálaráðið bjóðar nú fjórða prikið

Heilsumálaráðið bjóðar nú fólki í vandabólkum fjórðu koppseting fyri Covid-19.

Endamálið er at verja fyri álvarsligari sjúkugongd, verða fólk smittað. 

Ein treyt fyri at fáa fjórða prikið er, at tað í minsta lagi eru gingnir tríggir mánaðir síðani triðja prikið. 

Tilboðið er ætlað fólki við ávísum illkynjaðum blóð- og mergsjúkum, fólki við ávísum álvarsomum giktasjúkum, fólki, sum hava fingið transplantasjón, fólki í dialysuviðgerð og fólki, sum eru viðgjørd við heilivági, ið tálmar immunverjuna, ella sum nýliga hava fingið kemoviðgerð. 

Fólk, ið eru umfatað av tilboðnum um fjórðu koppsetingina, fáa innkalling frá Sjúkrahúsverkinum.