Útlendingar sleppa nú aftur at ferðast til Avstralia

Avstralia letur nú dyrnar upp aftur fyri útlendskum ferðafólki. 

Í knapt tvey ár hava útlendsk ferðafólk ikki havt møguleiki at sleppa inni í landið vegna koronusmittuna, men frá 21. februar sleppa fólk, sum eru liðugtkoppsett, inn aftur í landið.

Tað boðaði Scott Morrison, forsættisráðharri, frá á tíðindafundi.

Hálvan desember í fjør vórðu mørkini latin upp fyri útlendskum lesandi og vælútbúnum migrantum, men nú verður latið upp fyri øllum, sum eru liðugt koppsett.