Elframleiðsla: Tungolja setti met í fjør

Oljan er framvegis væl og virðiliga við, tá streymur skal gerast í Føroyum.

Tungolja setti met í fjør.

Tá vindorkan var útbygd, minkaði oljuparturin niður í 40 prosent í 2015, sigur Umhvørvisstovan í frágreiðing um elframleiðslu í Føroyum frá 2011 til 2021. 

Men síðani tá, í 2015, er oljuparturin bara vaksin ár um ár, til hann í 2021 er oman fyri 60 prosent. 

Orsøkin er økta elnýtslan í samfelagnum sum heild og eisini, at fáar útbyggingar við varandi orku hava verið.

Í fjør brúkti SEV 54.000 tons av olju fyri góðar 181 mió. kr.