- Tíðindi, mentan og ítróttur
Koronustuðulin til listafólk á gáttini
Koronustuðulin til listafólk á gáttini
Uttanríkis- og Mentamálaráðið mælir til, at stuðul verður latin teimum, sum hava mist pengar í tíðarskeiðinum 9.desember 2021 til 31.januar 2022
Listafólk, sum mistu inntøkur orsakað av, at jólaborðhald og annað varð avlýst, kunnu vænta sær stuðul
Mynd: Bjarni Árting Rubeksen
18.02.2022 - 06:28
Koronustuðulin til listafólk er nú á gáttini.
Lógaruppskotið kom í løgtingið í gjár.
Uttanríkis- og Mentamálaráðið mælir til, at stuðul verður latin teimum, sum hava mist pengar í tíðarskeiðinum 9.desember 2021 til 31.januar 2022.
Mynd: Bjarni Árting Rubeksen
Víðkað tilmæli
Tann 9.desember komu aftur víðkað tilmæli um, at skeinkistøð, jólaborðhald og annað skuldu avmarkast mest møguligt fram til 31.januar.
Uppskotið er meinlíkt lógini, sum kom í fjør. Í henni er stuðulstíðarskeiðið 1.september 2020 til 30.apríl 2021.
Uttanríkis- og Mentamálaráðið sigur, at uppskotið, sum nú er komið, kostar 600.000 kr.
Mynd: Bjarni Árting Rubeksen
Mist um fýra mió. kr.
Listafólkasambandið metir, at listafólkini hava mist millum 3,9 og 4,3 milliónir krónur og biður um, at hjálparpakkin kemur í gildi 1.mai 2021.
Sambært lógaruppskotinum kann stuðulin í mesta lagi vera 75 prosent av staðfestum og skjalprógvaðum tapi.
Tapið skal í minsta lagi vera 5.000 kr.
Er kopiera
Nýggjastu sendingar í ÚV
Nýggjastu sendingar í SV
