Seta fleiri flogfør í rutu

Eftirspurningurin eftir ferðaseðlum loftvegis er størri enn væntað, og tí er neyðugt hjá Atlantic Airways at seta fleiri flogfør á Føroyarutuna. 

Summar dagar er útselt.

Jóhanna á Bergi er stjóri í Atlantsflogi.

Í farna mánaði boðaði Atlantsflog frá, at neyðugt var at skerja talið av ferðum á Føroyaleiðini, tí eftirspurningurin eftir ferðaseðlum fyrsta ársfjórðing var minni, enn roknað var við. 

8. januar vísti Jóhanna á Bergi á, at tað var serliga á Keypmannahavnarleiðini, at neyðugt var at flúgva minni.

Ein góða mánað seinni er støðan tó so mikið broytt, at tað ber ikki til at keypa ferðaseðlar summar dagar. 

Til dømis er eingin tøkur ferðaseðil úr Vágum til Keypmannahavnar týsdagin og hósdagin.

Jóhanna á Bergi vísir tó á, at fleiri ferðaseðlar eru tøkir hinar dagarnar í vikuni. Atlansflog fylgir gongdini, og fleiri flogferðir verða gjørdar, um tørvur er á tí.