Fara ikki í landsrættin

Dómurin, sum ein 37 ára gamal maður fekk í Føroya rætti 4. februar, fer ikki í Landsrættin.

Hvørki ákæruvaldið ella maðurin hava skotið dómin inn fyri hægri rætt.

Maðurin fekk tríggjar mánaða treytaða fongsulsrevsing fyri í tveimum førum at hava havt annað kynsligt samband enn samlegu við gentu undir 12 ár.

Treytin er, at maðurin skal gera ólønt samfelagsarbeiði í 80 tímar og gjalda gentuni 22.000 kr. í endurgjaldi og sakarmálskostnaðin.